КАМ со поддршка на македонскиот репрезентативец и олимпиец Ставре Јада на Зимските олимписки игри во Милано-Кортина 2026!

Со гордост го поддржуваме Ставре Јада, кој ќе ја претставува нашата земја на Зимските олимписки игри во Милано-Кортина, натпреварувајќи се во дисциплината нордиско трчање.

Неговата посветеност, дисциплина и истрајност се пример за спортски дух и упорна работа.

Му посакуваме многу успех и одлични резултати на олимписката патека! ❄️⛷️

КАМ донираше над 1.600.000 денари за новогодишни пакетчиња и хуманитарни цели во месец декември

КАМ, како општествено одговорна компанија, во текот на месец декември издвои над 1.600.000 денари за реализација на низа хуманитарни активности, обезбедувајќи новогодишни пакетчиња и хуманитарни пакети за различни целни групи и заедници низ Македонија.
Водени од желбата празничниот период да донесе повеќе радост, сигурност и насмевки, донациите беа насочени кон деца, социјално ранливи категории, како и институции и организации кои се грижат за заедницата.

Донациите опфатија:

• 5.150 новогодишни пакетчиња во 29 општини низ Македонија
• 1.000 новогодишни пакетчиња за Новогодишниот базар на Град Скопје;
• 150 новогодишни пакетчиња за учениците од прво одделение во ООУ „Браќа Рамиз Хамид“;
• 100 новогодишни пакетчиња за децата од СОС Детско село;
• 60 новогодишни пакетчиња за малите пациенти на ЈЗУ Клиника за детска хирургија;
• Ваучери за Здружението за ретки невролошки болести „Кокичиња“
• 50 хуманитарни пакети за Општина Ѓорче Петров.
• Храна за ЈП „Лајка“;

„Веруваме дека секој човек заслужува да ги почувствува топлината, заедништвото и радоста што ги носат празниците. Преку овие донации сакаме да дадеме конкретна и искрена поддршка таму каде што е најпотребна и да покажеме дека кај нас хуманоста не е само празничен чин, туку континуирана одговорност и обврска кон заедницата“.

Со овие активности, компанијата уште еднаш ја потврдува својата заложба за општествено одговорно работење и континуирана грижа за децата, ранливите категории и локалната заедница, особено во период кога солидарноста има најголемо значење.